About me

ဆရာ ဦးကျော်ထွန်းလင်းသည် Royal S7 Engineering Co., Ltd. နှင့် Telecom Engineering Training Center တို့၏ Founder နှင့် Chief Trainer တစ်ဦးဖြစ်ပြီး IQ Tech Telecom & Network Solution ၏ CEO လည်း ဖြစ်ပါသည်။ ပညာအရည်အချင်းအနေဖြင့် တောင်ငူနည်းပညာတက္ကသိုလ် (TU Taungoo) မှ Electrical Engineering နှင့် ပဲခူးတက္ကသိုလ်မှ B.Sc. (Physics) အထူးပြု ဘာသာရပ်တို့ကို ရရှိထားပါသည်။ ထို့အပြင် EIU Paris မှ MBA (General Management) ဘွဲ့ကို ရရှိထားပြီး ပြည်တွင်း၌ Professional Business Coach နှင့် NLP Trainer တစ်ဦးအဖြစ်လည်း ရပ်တည်လျက်ရှိပါသည်။ လုပ်ငန်းခွင်အတွေ့အကြုံအနေဖြင့် Telecom Industry တွင် လွန်ခဲ့သော ၂၀၁၀ ခုနှစ်မှ စတင်ကာ နှစ်ပေါင်း (၁၅) နှစ်တိုင်တိုင် Project Manager ရာထူးဖြင့် ကိုယ်တိုင်ဦးဆောင် တည်ဆောက်ခဲ့ပြီး Fiber Optic Cable စက်ရုံမှူး အတွေ့အကြုံ လည်း ရှိခဲ့ပါသည်။ ထိုကာလများအတွင်း MPT, Atom, U9, MFOCN နှင့် Eager စသည့် ကုမ္ပဏီများ၏ ပြည်တွင်းစီမံကိန်းများစွာကို အောင်မြင်စွာ အကောင်အထည်ဖော် ဆောင်ရွက်ခဲ့ပါသည်။ နည်းပညာပိုင်းဆိုင်ရာ လေ့လာမှုများအနေဖြင့် Fiber to the home (FTTH) Technology အပိုင်းကို ၂၀၁၂ ခုနှစ်ကတည်းက စင်ကာပူနိုင်ငံတွင် ပြုလုပ်ခဲ့သော FTTH Council EURO ၏ အာရှပထမဦးဆုံး Pioneer Batch သို့ သွားရောက် တက်ရောက်ခဲ့ပါသည်။ ထို့အပြင် Fusion Splicer နှင့် Fiber Optic Testing နည်းပညာများကို တရုတ်၊ ဗီယက်နမ်၊ စင်ကာပူ၊ ထိုင်း နှင့် ဟောင်ကောင်စသည့် ပြည်ပနိုင်ငံများရှိ Fujikura, Sumitomo, EXFO နှင့် Vina OFC စသည့် ပါတနာကုမ္ပဏီများနှင့် ကျွမ်းကျင်ဆရာများထံတွင် ကိုယ်တိုင်လေ့လာသင်ယူခဲ့ပြီး ပြည်တွင်းတည်ဆောက်ရေး အတွေ့အကြုံများဖြင့် ပေါင်းစပ်ဖန်တီးထားပါသည်။ ဆရာသည် ကိုယ်တိုင်လေ့လာဆည်းပူးခဲ့သော Fiber Optic Technology များ၊ လုပ်ငန်းခွင်နှင့် စီးပွားရေးအတွေ့အကြုံများကို ပေါင်းစပ်ကာ စနစ်ကျသောသင်ရိုးများ ရေးဆွဲ၍ ၂၀၁၉ ခုနှစ်မှ စတင်ပြီး Telecom Engineering ဘာသာရပ်များကို စာတွေ့၊ လက်တွေ့ (In Person & Online) သင်ကြားပို့ချပေးခဲ့ပါသည်။ ယနေ့အထိ ပြည်တွင်း ပြည်ပနှင့် တိုင်းနှင့်ပြည်နယ်အသီးသီးမှ လုပ်ငန်းခွင်ဝင်လူငယ်များ၊ နည်းပညာ ကျောင်းသားများ၊ တယ်လီကွန်းကျွမ်းကျင်သူများနှင့် အင်တာနက် ဝန်ဆောင်မှု (ISP) စွန့်ဦးလုပ်ငန်းရှင်ပေါင်းများစွာကို မွေးထုတ်ပေးနိုင်ခဲ့ပြီး အချို့မှာ ကိုယ်ပိုင်လုပ်ငန်းရှင် များအဖြစ် အောင်မြင်စွာ ရပ်တည်နေကြပြီ ဖြစ်ပါသည်။ နိုင်ငံအနှံ့ရှိ လုပ်ငန်းရှင် ဖြစ်ချင်သော လူငယ်လူလတ်များစွာကိုလည်း FTTH ISP Business အတန်းများ ဖွင့်လှစ်မျှဝေပေးခဲ့ပြီး ဖြစ်ပါသည်။ ယခုအခါတွင် အနာဂတ်လူငယ်များ Telecom နည်းပညာများကို စနစ်တကျ လေ့လာနိုင်ပြီး ပြည်တွင်းပြည်ပ အလုပ်အကိုင်အခွင့်အလမ်းများ ရရှိလာစေရန်နှင့် လူငယ်စွန့်ဦးလုပ်ငန်းရှင်များ ပေါ်ထွက်လာစေရန် အထူးရည်ရွယ်ချက်ဖြင့် L2E သင်တန်းစတိုး Online Education Platform တွင် ပါဝင်အားဖြည့် သင်ကြားပေး လျက်ရှိပါသည်။